جوابات الأسطي حراجي | للخال عبدالرحمن الأبنودي الإمارات العربية المتحدة

القاء من الطفل محمود شباره لقصيدة الراحل عبدالرحمن الأبنودي " جوابات الأسطي حراجي " أكثر من 655 كيلومترًا تفصلهما للمرة الأولى عن بعضهما البعض لتصبح الخطابات للمرة الأولى وسيلة التواصل الوحيدة بينهما فى عصر إنشاء السد العالى حيث لم تظهر أية وسيلة تواصل أسرع. الجوهرة المصونه والدره المكنونه زوجتنا فاطنه أحمد عبد الغفار يوصل ويسلم ليها في منزلنا الكاين في جبلايه الفار أسوان ... الرسالة 1 أما بعد .. لذا كنت هاودت كسوفي ع التأخير سامحيني يا فطنه في طول الغيبه عليكم وأنا خجلان .. خجلان .. وأقولك يا زوجتنا أنا خجلان منكم .. من هنا للصبح .. شهرين دلوقت .. من يوم ما عنيكي يا فاطنه .. بلت شباك الجطر .. لسوعتي بدمعك ضهريديَ لحضتها قلت لك : قبل ما عوصل عتلاقي جوابي جي نهنهتي .. وقلتي لي بعتاب: النبي عارفاك كداب .. نساي وعتنسى أول ما عتنزل في أسوان حسيت واليد بتخطفها يد الجدعان بالقلب ف جوفي ما عارف ان كان بردان .. دفيان والبت عزيزه والواد عيد قناديل في الجوف .. زي ما بتضوي .. بيقيد .. .......... والقطر إتحرك .. وقليبي بينتقل من يد لإيد . والجطر بيصرخ ويدَودِو اتدلدلت بوسطي من الشباك .. خذي بالك م الولد .. راعي عزيزه وعيد والقطر صرخ ورمح لكإنه داس على بصة نار .. ولقطت الحس قريب .. قد ما كنتي بعيد : قلبي معاك يا حراجي هناك في أسوان ........................... ورميت نفسي وسط الجدعان .. وبكيت .. وبلدنا اللي كنا بنمشيها ف نص نهار كان القطر في لحضه .. فاتها بمشوار . سامحيني يا فطنه على التأخير .. ولو الورقه يا بت الخال تكفي لأعبي لك بحر النيل والله بكفيِ وختاماً ليس ختام .. بابعت لك ِ ليكي ولناس الجبلايه ولبتي عزيزه والواد عيد ألف سلام زوجك ... لوسطى حراجي القط ..العامل بالسدالعالي أسوان زوجي الغالي لاوسطى حراجي القط العامل في السدالعالي جبلاية الفار الرد : زوجي حراجي .. فوصلنا خطابك .. شمينا فيه ريحة الأحباب .. ربنا ما يوري حد غياب .. مش أول مره البسطاوي يخطي عتبة الدار ؟؟ عمرنا يا حراجي .. ما جلنا جواب . النبي ساعة مرزوق البسطاوي .. ما نده .. كده زي ما كون .. دقت في حشايا النار . وكإن العمر بيصدق .. بعد ما كان كداب .. اتأخرت مسافه كبيرة كبيرة علي عارف فاطنه يا حراجي لاليها عايل .. ولا خي . ليه تتأخر كده يا حراجي .. ؟ طب والنبي كأن ورقتك دي أول قنديل بتهز ف جوف الدار . أول ندعة ضو. الدار من غيرك يا أبو عزيزه .. هو . وعزيزه وعيد .. من غيرك يا حراجي زي اليُتما في العيد . الواد على صغره حاسس بالغربه والبعد . ولا عاد حتىبيطلع يلعب في الحارة مع الولِد . اطلع وأخش .. أطلع وأخش القاه .. غيمان وكأنه محروق له دكان . ويقوللي : (( فين يامه أسوان .. ؟)) وآبا سابنا ليه يا مه ؟ ما يمكن زعلان .. ؟ شهرين يا بخيل ؟ ستين شمس وستين ليل؟ النبي يا حراجي ما أطول قلبك لاقطع بسناني الحته الجاسيه فيه .......................... كل الجبلايه تسلم فرداً فرد .. ((م الحاج طِلب حامد )) لعيلة بيت علي ابو سعيد وانشالله يا حراجي ما يوريني فيك يوم وانشالله تكون ا تعلمت ترد قوام . ومادام احنا راسيين ع العنوان والله ما حنبطل بعتان.. مفهوم..أسوان زوجي الغالي لاوسطى حراجي القط .. العامل في السد العالي زوجتك فاطنه أحمدعبد الغقار جبلايه الفار أسوان

الفئة