طريقة عمل صينية لحمة راس العصفور بالخضراوات هنعملها بطريقة سهلة كتير و بأقل الخطوات الإمارات العربية المتحدة

اليوم عنا طريقة عمل صينية لحمة راس العصفور بالخضراوات هنعملها بأقل الخطوات و بمكونات قليلة و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض .حتى لا يفوتكم وصفاتنا يمكنكم الاشتراك فى القناه. /c/elmatbakhelturky المكونات: 3 حبات من الباذنجان 3 حبات من البطاطا 4 حبات من البصل 5 حبات من الفلفل الأخضر 3 حبات من البندورة 750 جرام من لحمة راس العصفور 9 حبات من الثوم مكونات الصوص: 1 ملعقة كبيرة من صلصة البندورة 1 ملعقة صغيرة من صلصة الفليفلة 1 ملعقة كبيرة من الزعتر اليابس 1 ملعقة صغيرة من الفلفل الأحمر 1 ملعقة صغيرة من الفلفل الأسود 1 ملعقة صغيرة من الكمون 1 ملعقة صغيرة من الملح 1,5 كوب من الماء 1 كوب شاي من زيت الزيتون طريقة التحضير: 1- بالبداية هناخد طبق مناسب و نضيف في الماء و الملح و نحركهم مع بعض لحتى نضيف فيهم حبات الباذنجان بعد ما نقطهم 2- بعدين هناخد حبات الباذنجان و نقشرهم بشكل عشوائي و نفرمهم على شكل مكعبات اما هلق هناخد حبات الباذنجان اللي فرمناهن و نحطهم في الماء اللي جهزناها و نتركهم لمدة 30 دقيقة لحتى تروح منهم المرارة شوي 3- و بالوقت هناخد حبات البطاطا و نقشرهم و نفرمهم على شكل مكعبات و ننتبه على حجم حبات البطاطا اللي فرمناهم لازم يكونوا في حجم متوسط 4- بعدين هناخد حبات البصل و نفرمهم هني كمان على شكل مكعبات 5- و ناخد حبات الفلفل الاخضر و حبات البندورة و نكمل بنفس الطريقة و نفرمهم على شكل مكعبات و هيك بتكون جهزت معنا كل الخضراوات 6- اما هلق هناخد صينية مناسبة و نضيف فيها لحمة راس العصفور و نضيف حبات الباذنجان بعد ما نكون صفيناهم من الماء و نضيف حبات البطاطا, الفلفل الأخضر, البصل و حبات البندورة و اخيرا هنضيف حبات الثوم 7- و متل مالكم شايفين اكلة بسيطة كتير و غنية بالخضراوات و قدرنا نجهزها بمدة 10 دقائق و كل اللي عملناه انو فرمنا الخضراوات و ضفنا اللحمة 8- اما هلق اجا الوقت لحتى نجهز صوص الاكلة هنضيف في طبق مناسب صلصة البندورة, صلصة الفليفلة, الزعتر اليابس, الفلفل الأحمر, الكمون, الفلفل الأسود, الملح , الماء و زيت الزيتون و نحركهم مع بعض لحتى يختلطوا معنا كل المكونات 9- بعدين هنضيف الصوص على الصينية و نحركهم مع بعض لحتى يتوزع معنا الصوص على كل المكونات و لما نتاكد انو الصوص توزع على كل المكونات رح نمد المكونات على كل الاطراف بشكل متساوي 10- و قبل ما ندخل الصينية على الفرن هناخد قطعة من ورق الألمنيوم و نغطي الصينية فيها و نتاكد انو قطعة ورق الألمنيوم اللي عم نستخدمها من الداخل تكون قطعة من ورق الزبدة و هيك منطمن انو الأكلة ما صار معها تماس بورق الألمنيوم بشكل مباشر 11- و هيك بتكون جهزت معنا اكلتنا لليوم هندخل الصينية على فرن حامي على درجة حرارة 200 لمدة 1 ساعة كاملة و لما تخلص معنا المدة هنطالع الصينية من الفرن و نشيل منها قطعة ورق الألمنيوم 12- و نرجع ندخل الصينية على الفرن كمان مرة لمدة 30 دقيقة و بهي الطريقة هنساعد انها تتحمر معنا من الوجه و لما نطالعها من الفرن هنقدمها بالطريقة اللي منحبها و صحة و عافية يمكنكم الاشتراك فى صفحتنا على الفيسبوك. https://www.facebook.com/elmatbakh.elturky يمكنكم متابعتنا على الانستغرام. https://www.instagram.com/elmatbakh.elturky

الفئة