ពិធីប្រគេន-ជូនអាហារូបករណ៍ដល់សមណនិស្សិត និស្សិតឆ្នើមប្រចាំឆ្នាំ

#SBUBB #ពសសបប #សីហនុរាជបាត់ដំបង កាលពីរសៀលថ្ងៃព្រហស្បតិ៍ ០៧កើត ខែទុតិយាសាឍ ព.ស.២៥៦៥ ត្រូវនឹងថ្ងៃទី១៥ ខែកក្កដា ឆ្នាំ២០២១ សាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង ដឹកនាំដោយព្រះយសបញ្ញា វី សុវិជ្ជា ព្រះប្រធានសាខា បាននិមន្តជាអធិបតីក្នុងពិធីប្រគល់អាហារូបករណ៍ជាថវិកា របស់អង្គការ ឃីប និងមូលនិធិសម្តេចព្រះមហាឃោសានន្ទដល់សមណនិស្សិត និស្សិតឆ្នើមប្រចាំឆ្នាំដែលទទួលបានចំណាត់ថ្នាក់ល្អ និងមានសីលធម៌ក្នុងការសិក្សារៀនសូត្រ។ សូមបញ្ជាក់ថា ក្នុងចំណោមសមណនិស្សិត និស្សិតឆ្នើមទាំង ២០ អង្គ/នាក់ សមណនិស្សិត និស្សិតឆ្នើមចំនួន ១២ អង្គ/នាក់ ទទួលបានអាហារូបករណ៍ពីអង្គការ KEAP ជាថវិកាឧបត្ថម្ភក្នុងម្នាក់ ចំនួន ៣០០ ដុល្លារ ដោយប្រគេន-ជូនមួយខែ ៣០ ដុល្លារ រយៈពេល ១០ ខែ និង សមណនិស្សិត និស្សិតចំនួន ៨ អង្គ/នាក់ ទៀត ទទួលបានអាហារូបករណ៍សម្តេចព្រះមហាឃោសានន្ទ ទទួលបានថវិកាឧបត្ថម្ភក្នងម្នាក់ ចំនួន ៥០ ដុល្លារអាមេរិក សម្រាប់ចំណាយលើសម្ភារសិក្សាផ្សេងៗ។

الفئة