وقلـبي اللي هواجيسه يتلنّه - سلامـه الشويهر 2019 حصرياً الإمارات العربية المتحدة

وقلبي اللي هواجيسه يتلنه  تلت دلي المضامي يوم يسقوني  وردو لهم عد غاير باخر الكنه  ومن المواريد غيره مايدلوني   وجاوبت صوت الخلوج اللي لها حنه  قبل توكد تجر الصوت بالهوني  علاحوارن فارقها مادرت عنه  قامت تلفلت وكن القلب مطعوني  ترخي له سموعها من شان يوحنه  تسمع صدا حنته بالراس مخزوني  وتوكدت غيبته واستايست منه  ودارت علا قاصي الاذواد والدوني  قامت تهجرع بصوتن باخره ونه  صوتن يخلي كبير العقل مجنوني  او حن مورن عليه حمول  ضامنه  في يد غشيمن تجود بالدركسوني  نطح نفودن وتل المور  ماحنه  هوا التواير علا السبعين موزوني صوت المكينه بترس اثنين له زنه  وصوت الشكامين كنه هرج تكروني  حرارته فل والانذار له رنه  وقف علا البنص والمطلاع مضموني لاقلت زالن هموم القلب دكنه  زودن علا ضيقتن منها شحب لوني اخفيت حزني بوسط  القلب واكنه  واصبحت من ماتشوف العين مغبوني   مجامل الناس ماهو فرضن او سنه  من كثر ماكنت اجامل باح مكنوني  من ضن سود الليالي يخلفن ضنه  راع المعزه يحدنه ع الهوني  اللي من اجله نسل السيف ونسنه  وقع مع اللي من عيوني يطيحوني  اللي وقفنا مواقيفن يسرنه  شفته مع اللي تعدوني يصدوني  بعض الاوادم ليااحتاجك ضحك سنه  وان بينت لك لزومن  عنك يقفوني  واقول ماللبشر فضلن ولا منه  ماني لغير الله المعبود ممنوني الله سبحانه هو اللي يعطي الجنه  ولا البشر يحسبون اللي يمدوني  ضاري فلاح الحمرون

الفئة