خبز التميس الإمارات العربية المتحدة

خبز التميس كوب و 3/4 كوب من المي (ممكن اكتر شوي ممكن اقل) بنحط عليهم ملعقة صغيرة خميرة وملعقة صغيرة سكر .. بالعجانة او وعاء بنحط 4 اكواب طحين مع 3 ملاعق كبار زيت نباتي مع ملعقة صغيرة ملح بنخلطهم وبنضيف خليط الخميرة .. بنعجن 5 دقايق لحد ماتلتم العجينة ونحصل ععجينة طرية متماسكة .. لو حسيناها بتلزق بنضيف رشات من الطحين لحد ماتصير قطعة .. بنقسمها 4 أقسام متساوية وبنحطهم بصينية مرشوشة طحين بنغطيهم وبنتركهم ساعة بعدها على سطح نظيف بنرش رشة طحين خفيفة وبنفرد العجينة بالايد بنحاول نخلي الطرف اسمك من الوسط عشان ماينشف الخبز معنا كتير بعدها بنمرر الشوكة عليه لنعمل فتحات وبفرشاية بنمسحو بمي او حليب وبنرش عليه سمسم لو بنحب .. بنحطو بصينية وبنخبزو بفرن محمى مسبقا على 450ف او اعلى درجه من تحت بالرف الاقرب لتحت8 دقايق تقريبا او بس يتحمر من تحت بنحمرو شوس من فوق وبنطلعو من الفرن وبنغطية على طول بمنشفة بنقدمو وصحة وعافية❤ArwaAreej❤

الفئة