جديد صــــــــوت وزران [بحر الوفاء] كلمات سعيد دويل السبع. اهداء إلى؛ سالم مبارك بلعفو الإمارات العربية المتحدة

كتب كلمات هاذي القصيد الشاعر؛ سعيد دويل السبع الحان؛ عمر باشائع أداء؛ صوت وزران اهداء الى سالم مبارك بلعفو. . ........... بحرالوفاء........... يقول السبع يالهاجس تكلم من شعاب الراس وهات ابيات منضومه تليق بحضرة المهجوس بدع ابيات يفهمها صحاب الذوق والاحساس وأهل العلم والتاريخ والريس مع المرؤؤس وقل عاصانع التاريخ يبحث عن خيار الناس وشف سالم مبارك موقعه في اول القاموس عمد في داخل الريده وحط الساس فوق الساس وله اثاره باتشهد معه و الواقع و الملموس كما سالم في التاريخ مثل الدر والالماس وله قيمه كماقرش الذهب من عهد دق يانوس كرم واخلاص وشهامه وفوقه عز وتنوماس وله جودات وجمايل وقشعه كلها ناموس وسالم من قديم الوقت في بحر الوفاء غطاس حماه الله من كل الرياح العاتيه و الكوس رصيده في بنوك الجبر مابايجيله الافلاس واهله من قديم الوقت ماباعوا الشرف بفلوس حمول الثقل قال السبع ماله لاجمل باداس يصبح به الطويله سعف باهبري وبن كردوس نهم قولوا على سالم وانت النوب والدباس وانت الدابس اللي مابدا نوبه صبح مدبوس عرفنا الكار وحلوله ونعرف بدوي الادواس انا واياك خاطبنا من السابق كبار الروس ومول الجود يستاهل محل في موقع الهوجاس وفعل الادمي لا زان يبقي له حكم ودروس.

الفئة