يغمش فرني وشوربة لسان العصفور الإمارات العربية المتحدة

طريقة اليغمش الفرني مقادير العجينة (استخدمت الكوب المعياري ٢٥٠ مل ) ٣ أكواب دقيق كوب موية ملعقة صغيرة ملح نص فنجان زيت زيتون أو سمن أو زبدة حبة بيضة حشوة اليغمش: ربع كيلو لحم مفروم بصلتين مفرومة ٣ حبات طماطم مقطعة صغار ملح فلفل أسود ملعقة صغيرة مليانة كمون ملعقة صغيرة مليانة الطريقة: نعجن العجينة بيدنا أو العجانة حتى نحصل على عجينة متماسكة ونكورها كور صغيرة ( جات معايا ٤٤ قطعة مكورة ) ونتركها ترتاح من نص ساعة إلى ٤٠ دقيقة في صينية مدهونة بشوية زيت الحشوة: بدون طبخ نخلط الحشوة مع بعض ونحط الطماطم اخر شي عشان ماتنهرس بزيادة نحط في زبدية صغيره نص فنجان زيت زيتون مع حبة بيضة و نفرد كور العجين فرد خفيف وندهن القطعة المفرودة بزيت الزيتون والبيض كامله ونحطها على قطعة مفرودة تانية ( تصير معانا قطعة وحدة ) واذا كانت على فرادة إديسون أول شي نمرة ٢ وبعدين نمرة ٥ بعدها نحشي العجينة بالحشوة ونقفلها يمين ويسار فوق وتحت نقلبها وندهنها من الوجة زيت زيتون مع البيض ونرش عليها سمسم وحبة البركة ونرصها في صينية مدهونة زيت وندخلها الفرن على اخر رف ونولع النار التحتانية فقط على درجة حرارة ٢٥٠ لمدة ٢٠ دقيقة وبعدها نرفع الصينية للرف الوسطاني ونولع النار العلوية لين تتحمر وبالعافية عليكم وادعولي معاكم شوربة لسان العصفور الطعمة المقادير: ٥ ملاعق لحم مفروم بصلة مفروم طماطم مقطعه قطع صغيرة ملعقتين صلصة طماطم ملح فلفل اسود ملعقة صغيرة كمون ملعقة صغيرة ملعقة صغيرة مليانة بديل مكعبات الماجي من صرة كوب مكرونة لسان العصفور الطريقة: نجيب قدر نحط فيه اللحمة المفرومة ونطقطقها لين يتغير لون المفرومة نضيف الطماطم والبصل صلصة الطماطم والملح والكمون والفلفل الأسود وبديل مكعبات الدجاج ونتركها تتسبك نضيف بعد كدا لتر موية أول ماتغلي نضيف مكرونة لسان العصفور وعلى نار هادية لين تستوي وبعدها نرش عليها كزبرة خضرا وبالعافية وادعولي معاكم

الفئة